ناندیڑضلع میں چوریوں کی تین وارداتیں

ناندیڑ4؍ستمبر(اعتمادنیوز)ناندیڑ شہرکے شیواجی نگر پولس اسٹیشن میں دو اور دھرم آباد شہر میں چوری کی ایک واردات رونما ہوئی ہے جہاں سے چوروں نے تقریباً ساڑھے پانچ لاکھ کا سامان چوری کیا ہے ۔ ناندیڑ شہر کے شیواجی نگر پولس اسٹیشن ذرائع سے ملی رپورٹ کے مطابق یکم ستمبر کی شب آئی ٹی آئی کے قریب رہنے والے کرشنا رودروار اپنے افراد خاندان کے ساتھ گھر میں محو خواب تھے اسی شب نامعلوم افرادنے دوکان و گھرکاقفل توڑا اور گھر سے موبائیل فون ‘ نقد 15ہزار روپے چوری کرلئے ۔ شیواجی نگر پولس نے فریادی کی شکایت پر نامعلوم افراد کے خلاف چوری کا مقدمہ درج کردیا ہے ۔ چوری کا دوسرا واقعہ کل شب نیو مونڈھا میں واقع پون ٹریڈئنگ کمپنی میں پیش آیا ۔یہاں سے چوروں نے چاول اور تور دال کے تھیلے چوری کرلئے ۔



جس کی قیمت تقریباً دیڑھ لاکھ کے قریب ہے ۔ دگمبر باپوراؤ بینڈے نے پولس اسٹیشن میں آج شکایت درج کروائی کہ نیو مونڈھا میں انکی پون ٹریڈئنگ کے نام سے چاول و دال فروخت کی دوکان ہے ۔ حسب معمول وہ کل شب ساڑھے آٹھ بجے اپنی دوکان بند کرکے گھر چلے گئے تھے ۔ اسی شب نامعلوم چور دوکان کے عقب کا ٹین توڑ کر اندرداخل ہوئے اور چاول و تور دال کے تھیلے چوری کرکے فرار ہوگئے ۔ جس کی قیمت ایک لاکھ 36ہزار710 روپے ہے ۔ آج صبح 10 فریادی روزانہ کی طرح ودکان کھولنے پہنچے تو انھیں چوری کا پتہ چلا ۔انہوں نے فوری شیواجی نگر پولس اسٹیشن سے ربط قائم کیا ۔ پولس ملازمین فوری جائے واردات پر پہنچ گئے اور چوری کا پنچنامہ کرکے نامعلوم افراد کے خلاف مقدمہ درج کردیا ۔ پولس انسپکٹر بھارتی کو تفتیش کی ذمہ داری سونپی گئی ہے ۔